D Groofe vo Wärdebärg, dr Naame chunnt vo dr Burg Wärdebärg in dr hütige Gmäind Grabs (Kanton Sanggalle), si e südwestdütsch-schwizerischs Hoochaadelsgschlächt im Middelalter und dr früeje Nöizit gsi, wo s Zentrum vo iirer Macht uf de bäide Site vom Alperhii, an dr obere Donau und uf dr Schwäbische Alb glääge isch.
Am Aafang vom 16. Joorhundert het vor allem d Linie Wärdebärg-Häiligebärg-Sigmaringe-Trochtelfinge e seer groosse Iifluss gha. Dr Hugo (Haug) vo Wärdebärg isch Berooter vom König Maximilian gsi, wo denn no Kaiser worde isch, und het e groossi Rolle gspiilt bi dr Gründig vom Schwööbische Bund. Er isch au däm si erst Bundeshauptmaa worde.
1534 isch s Gschlächt vo de Wärdebärger usgstorbe.
© MMXXIII Rich X Search. We shall prevail. All rights reserved. Rich X Search